Hujumchi Joao Pedro "Chelsi" safidagi debyut golini urdi. 23 yoshli futbolchi bir haftadan kamroq vaqt oldin "ko‘klar" safiga qo‘shilgan bo‘lsa, bugun klublar o‘rtasidagi jahon chempionati yarim finalida "Fluminense"ga qarshi o‘yinda jamoa safida gol urdi. Opta xabariga ko‘ra, Pedro o‘tgan yozda jamoani tark etgan Tyago Silvadan keyin "Chelsi" safida rasmiy o‘yinda gol urgan ilk Braziliya vakili bo‘ldi. Bugungi bahsda Silva ham ishtirok etmoqda - u Rio-de-Janeyro jamoasining asosiy tarkibida maydonga tushdi.
Joao Pedro "Brayton"dan "Chelsi"ga o‘tdi. Qizig‘i shundaki, u faoliyatining boshida aynan "Fluminense"da o‘ynagan - bu uning qadrdon klubi.













