"Наполи" "Галатасарой"дан ҳужумчи Виктор Осимхен бўйича янги трансфер таклифи олди.
Аввалроқ, турк клуби 26 ёшли футболчини 60 млн евро эвазига ўз сафига қўшиб олмоқчи бўлган, аммо рад жавобини олганди. Энди эса, инсайдер Фабрицио Романонинг ёзишича, "Галатасарой" яхшиланган таклиф билан қайтди - 75 млн евро. Айнан шу миқдордаги товон пули нигерияликнинг "Наполи" билан шартномасида кўрсатилган, аммо товон пули фаоллаштирилмайди, чунки истанбулликларнинг таклифи беш йил давомида бўлиб-бўлиб тўлашни назарда тутади - яъни итальян гранди рад жавобини беришга ҳақли.
Маълумотларга қараганда, Виктор Осимхеннинг ўзи ўтган мавсумда ижара асосида муваффақиятли тўп тепган "Галатасарой"га ўтишни истамоқда.
