"Челси" "Флуминенсе"ни мағлуб этиб, клублар ўртасидаги жаҳон чемпионатининг биринчи финалчисига айланди. Ярим финалда "кўклар" Жоао Педронинг дубли эвазига Бразилиялик жамоасидан 2:0 ҳисобида устун келди.
Инглиз ОАВ маълумотларига кўра, финалга чиқиш Лондон грандига қўшимча 27 млн евро келтирган. Умуман олганда, бутун турнир давомида "Челси" тахминан 96,5 миллион евро ишлаб олди. Агар финалда Энцо Мареска жамоаси ғалаба қозонса, мукофот пули кўпаяди.
Лондонликларнинг кубок учун ҳал қилувчи ўйиндаги рақиби "ПСЖ" ёки Мадриднинг "Реал" клуби бўлади. Иккинчи ярим финал чоршанба куни, финал эса 13 июль, якшанба куни бўлиб ўтади.
