Эммануэль Пети Ламин Ямалнинг ўйинидан ҳайратланганини билдирди.

"Барселона"нинг 17 ёшли қанот ҳужумчиси ўтган мавсумда Ла Лиганинг 35 та ўйинида 9 та гол уриб, 13 та голли узатма берган.

"Унинг ёшида шунчалик таъсирли ўйин кўрсатган бошқа футболчини айта олмайман. У тўпга ҳар текканда, нимадир содир бўлади.

Уни 28 ёшда ва куч-қувватга тўлган деб ўйлаш мумкин. У рақибларини алдаб ўтмоқда, худди PlayStation ўйнаётгандек. Ҳимоячилар унга халақит берувчи тўсиқлар каби кўринади - унинг маҳорат даражаси шунчалик юқори.

Ламин ҳатто Мессидан ҳам яхшироқ бўлиши мумкин. Месси саккизта "Олтин тўп"ни қўлга киритган.

Ямалда олдинга интилиш учун кучли рағбат бўлади. Уни кузатиш жуда завқли," - деди "Барселона"нинг собиқ футболчиси Эммануэль Пети Escapist Magazine нашрига берган интервьюсида.