Ўзбекистон Профессионал Футбол Лигаси тартиб-интизом қўмитасининг навбатдаги йиғилиши бўлиб ўтди. Унда қуйидаги қарорлар қабул қилинди.

Олий Лига
«Шўртан»га қарши 11-тур учрашувида ўйин тўхтатилгандан сўнг рақиб оёғига зарба бергани учун майдондан четлатилган «Навбаҳор» ҳужумчиси Рўзимбой Аҳмедов 2та ўйинга дисквалификация қилинди.

Ёшлар Биринчилиги
«Шўртан»га қарши 11-тур учрашувида ўйин ҳаками шаънига ноъмақул фикрлар билдиргани учун майдондан четлатилган «Навбахор» мураббийи Аҳмад Ҳолмирзаев, 3 учрашувга дисквалификация қилинди.

Биринчи Лига
«Зарафшон-ПФК»га қарши 16-тур ўйинида ҳакам ёрдамчиси шаънига ноъмақул фикрларни билдиргани учун «Регистон» мураббийи Аладдин Махадинов, 3 учрашувга дисквалификация қилинди ва жаримага тортилди.
«Локомотив-БФК»га қарши 16-тур ўйинида рақиб юзига ургани учун майдондан четлатилган «Оқтепа» ҳужумчиси Беруний Абдунабиев 2та ўйинга дисквалификация қилинди ва жаримага тортилди.
«Хотира-79»га қарши 18-тур ўйинида ўйин ҳаками шаънига ноъмақул фикрларни ишлатгани учун «Қўқон-1912» ҳимоячиси Александр Критинин 3 ўйинга дисквалификация қилинди ва жаримага тортилди.
«Локомотив-БФК»га қарши 18-тур ўйинида ўйин ҳаками шаънига ноъмақул фикрларни ишлатгани учун «Янгиер» ярим ҳимоячиси Шарофжон Айтбоев 3 ўйинга дисквалификация қилинди ва жаримага тортилди.