"Бенфика"нинг туркиялик ярим ҳимоячиси Оркун Кёкчю "Бешиктош"га ўтишга бир қадам яқинлашди.
Инсайдер Николо Скиранинг таъкидлашича, 24 ёшли хавбек "Бешиктош" билан 2029 йилгача мўлжалланган шартнома борасида принципиал келишувга эришган. Манбага кўра, ҳозирда клублар ўртасида Кёкчю трансфери бўйича музокаралар олиб борилмоқда.
Аввалроқ, Кёкчю "Бенфика" раҳбариятига "Бешиктош"га ўтиш истагини билдиргани ҳақида хабарлар тарқалган эди.
Жорий мавсумда ярим ҳимоячи барча мусобақаларда 55 та ўйинда майдонга тушиб, 12 та гол билан рақибларини ранжитди ва 11 та голли узатмани ўз ҳисобига ёздириб қўйди.
