"Benfika"ning turkiyalik yarim himoyachisi Orkun Kyokchyu "Beshiktosh"ga o‘tishga bir qadam yaqinlashdi.
Insayder Nikolo Skiraning ta’kidlashicha, 24 yoshli xavbek "Beshiktosh" bilan 2029 yilgacha mo‘ljallangan shartnoma borasida prinsipial kelishuvga erishgan. Manbaga ko‘ra, hozirda klublar o‘rtasida Kyokchyu transferi bo‘yicha muzokaralar olib borilmoqda.
Avvalroq, Kyokchyu "Benfika" rahbariyatiga "Beshiktosh"ga o‘tish istagini bildirgani haqida xabarlar tarqalgan edi.
Joriy mavsumda yarim himoyachi barcha musobaqalarda 55 ta o‘yinda maydonga tushib, 12 ta gol bilan raqiblarini ranjitdi va 11 ta golli uzatmani o‘z hisobiga yozdirib qo‘ydi.













