"Порту" вингери Франсишку Консейсау "Ювентус"га доимий асосда ўтиши мумкин. Бу ҳақда инсайдер Николо Скира хабар бермоқда.
Манбага кўра, "Порту" "Ювентус"нинг Консейсау трансфери бўйича 22 миллион евролик илк таклифини рад этган. Таъкидланишича, футболчининг ўзи "Ювентус"да қолишни истамоқда, аммо туринликлар футболчини 30 миллион еврога сотиб олиш имкониятини фаоллаштирмоқчи эмас. Инсайдернинг таъкидлашича, Италия гранди "Порту"дан тўловни бир неча қисмга бўлишни ҳам сўраган.
Консейсау ўтган мавсумни "Ювентус"да ижара асосида ўтказди. Унинг ҳисобида 40 та ўйин, 7 та гол ва 6 та ассист мавжуд.
