"Portu" vingeri Fransishku Konseysau "Yuventus"ga doimiy asosda o‘tishi mumkin. Bu haqda insayder Nikolo Skira xabar bermoqda.
Manbaga ko‘ra, "Portu" "Yuventus"ning Konseysau transferi bo‘yicha 22 million yevrolik ilk taklifini rad etgan. Ta’kidlanishicha, futbolchining o‘zi "Yuventus"da qolishni istamoqda, ammo turinliklar futbolchini 30 million yevroga sotib olish imkoniyatini faollashtirmoqchi emas. Insayderning ta’kidlashicha, Italiya grandi "Portu"dan to‘lovni bir necha qismga bo‘lishni ham so‘ragan.
Konseysau o‘tgan mavsumni "Yuventus"da ijara asosida o‘tkazdi. Uning hisobida 40 ta o‘yin, 7 ta gol va 6 ta assist mavjud.
