"ПСЖ" дарвозабони Жанлуижи Доннарумма "Бавария" вакили Жамал Мусиала оғир жароҳатида айбланиб, танқидларга учради. Германиялик футболчи "ПСЖ"нинг италиялик футболчиси билан тўқнашувдан сўнг жароҳат олди. Парижликлар бош мураббийи Луис Энрике Доннарумманинг ҳимоясига ўтди.
"Жижи билан таниш бўлганларнинг ҳаммаси унинг нақадар меҳрибонлигини билишади. Футбол жароҳатлар муқаррар бўлган спорт тури. Жиддий жароҳатлар футбол жараёнининг ажралмас қисмидир. Кўриниб турибдики, Доннарумма томонидан ҳеч қандай ёмон ният бўлмаган. Жижи жуда хафа бўлди. У аллақачон Мусиала билан боғланган, биз унинг тезроқ соғайиб кетишини тилаймиз," - деди Энрике журналистларга.
Клублар ўртасидаги жаҳон чемпионати ярим финалида "ПСЖ" "Реал"га қарши баҳс олиб боради.
