Журналист Альфредо Педулланинг ёзишича, "Рома" "Палмейрас"нинг 25 ёшли ярим ҳимоячиси Ричард Риос трансферини тезроқ ёпмоқчи.
Римликлар бош мураббий Жан Пьеро Гасперинига 2025/26 йилги мавсум учун биринчи трансферни тақдим этиш учун трансферни имкон қадар тезроқ якунлашга бел боғлаган.
Қайд этилишича, "Порту" ҳам "Палмейрас" билан музокаралар олиб борган, аммо улар 30 миллион евролик нархни пасайтира олмаган, "Рома" эса муроса устида фаол ишламоқда. Унга "Интер" ҳам қизиқиш билдираётгани маълум, аммо айнан "Рома" колумбиялик хавбек борасида реал музокаралар олиб бораётган А Сериядаги ягона клуб бўлиб турибди.
Қўшимча қиламизки, Риос 2024/25 йилги мавсумда "Палмейрас" сафида барча мусобақаларда 35 та ўйинда майдонга тушиб, 4 та гол ва 4 та голли узатмага муаллифлик қилган.
