Хаби Алонсо Лука Модрични "Реал" афсонаси деб атади.
39 ёшли хавбек Мадрид клуби сафидаги сўнгги ўйинини клублар ўртасидаги ЖЧ 1/2 финалидан ўрин олган "ПСЖ"га қарши (0:4) ўтказди. Хорватиялик ёзда "Милан"га ўтиши хабар қилинганди.
"У клуб афсонаси. У футбол афсонаси. Мен унинг клубдоши эдим, энди эса мураббийи. Уни "Мадрид"да абадий эслаб қолишади," - деди "Реал" устози.
Модрич "Реал" сафида 2012 йилдан буён тўп тепиб келаётганди. Футболчи мадридликлар сафида 28та совринни қўлга киритган, шулардан 6таси Чемпионлар Лигасида.













