"Интер Майами" MLS мунтазам чемпионатида "Нью-Ингленд Рэволюшн" устидан 2:1 ҳисобида ғалаба қозонди. Ўйин Фоксбородаги "Жилетт" стадионида бўлиб ўтди.
Биринчи бўлимда ҳужумчи Лионель Месси 11 дақиқа ичида дублни расмийлаштирди. Мезбонлар сўнгги дақиқаларда орадаги фарқни биттага қисқартиришди - Карлес Гил гол урди.
"Интер Майами" ғалабали сериясини давом эттириб, 35 очко билан Шарқий конференцияда 5-ўринда бормоқда. "Нью-Ингленд" эса 24 очко билан 11-поғонада бормоқда.













