Мадриднинг "Реал" клуби бош мураббийи Хаби Алонсо клублар ўртасидаги жаҳон чемпионати ярим финалидан ўрин олган "ПСЖ"га (0:4) қарши ўйин учун таркиб танлашда хатога йўл қўйганини тан олди.
Парижликлар 24-дақиқага келиб учта гол уриб, ғолиб ҳақидаги саволларни тезда йўққа чиқаришди. "Қаймоқранглилар" учун бу янги мураббий қўл остидаги илк мағлубият.
"Бошланғич таркибда шунча ҳужумкор футболчиларни тушириб хато қилдимми? Албатта. Ҳаммаси биз кутгандек бўлмади," - дея Алонсонинг сўзларини келтиради Madrid Universal.
"Реал"нинг асосий таркибида Винисиус Жуниор, Килиан Мбаппе, Гонсало Гарсия ва Арда Гюлер ҳужумкор футболчилар сифатида майдонга тушди.
