Ҳужумчи Мойзе Кин "Фиорентина"да янада фойдалироқ шартномага эга бўлиши мумкин, дея хабар бермоқда инсайдер Жанлука ди Марцио.
Италия клуби раҳбарияти футболчи билан янги меҳнат шартномаси тузиб, маошини жиддий оширмоқчи. Агар томонлар келишиб олса, у ҳолда Мойзенинг маоши йилига тўрт миллион еврони ташкил этади. Ўтган мавсумда ҳужумчи 2,2 миллион ишлаб топган.
Ўтган мавсумда Кин "бинафшаранглилар"нинг энг яхши тўпурари бўлди. Ҳужумчи Флоренция жамоасининг 44 та ўйинида қатнашиб, ўз ҳисобига 25 та гол ва учта голли узатмани ёздириб қўйган.
