Италиянинг “Наполи” клуби раҳбари Аурелио де Лаурентис “Манчестер Юнайтед” вингери Алехандро Гарначонинг эҳтимолий трансфери ҳақида гапирди.
"Бу футболчида тезлик, салоҳият ва иқтидор бор. Биз уни "Манчестер Юнайтед"дан олиб кетмоқчимиз, чунки у биз билан икки баробар яхши ўйнайди. Унинг ҳозирги клубида тушунтириш қийин бўлган муаммо бор", - дейди клуб раҳбари.
Transfermarkt портали Гарначонинг бозор нархини 45 миллион еврога баҳоламоқда. Алехандронинг "қизил иблислар" билан амалдаги шартномаси 2028 йилнинг июн ойи охирида тугайди.













