"Милан" Патрик Шикни ўз сафига қўшиб олиш ҳақида ўйламоқда.
"Байер" ва Чехия терма жамоасининг 29 ёшли форварди "россонерилар" шорт-листидан ўрин олган, аммо у устувор вариант эмас - "Милан" Сантьяго Хименес билан рақобатлашадиган ҳужумчи қидирмоқда.
Ўтган мавсумда Шик 31 та ўйинда 21 та гол уриб, "Боруссия Дортмунд" аъзоси Серу Гирасси билан тўпурарлар пойгасида иккинчи ўринни бўлишиб олганди.
Шунингдек, Дарвин Нуньес ("Ливерпуль"), Николас Жексон ("Челси") ва Душан Влахович ("Ювентус") ҳам "Милан"нинг қизиқишлар доирасига киради.













