Конфедерациялар кубогининг иккинчи ярим финали ҳам ўтказилиб Бразилияга рақиблик қиладиган жамоа номи маълум бўлиб улгурди.

Италия ва Испания терма жамоалари ўртасидаги кечган ярим финал учрашуви ўз номи билан тенг курашлар остида ўтди. Буни 120 дақиқа мобайнида томонлар жуда кўплаб вазиятларни яратган бўлсада, гол кирита олмаганидан. Натижа нурсиз бўлсада, қизиқарли кураш олган учрашувда ғолиб фақатгина пенальтилар сериясига кўра аниқланди.

Иккала терма жамоа ҳам кетма-кет олтитадан пенальтини аниқ амалга оширишди. Бироқ Италиянинг еттинчи пенальтисини тепган Леонардо Бонуччи ноаниқ зарба йўллаган бўлсада, ўз навбатида Испаниядан Хесус Навас бу ишни аниқ уддалаб терма жамоасини финалга олиб чиқди.

Энди Конфедерациялар кубогининг финалида Бразилия ва Испания терма жамоалари майдонга тушадиган бўлишди. Италия эса учинчи ўрин учун учрашувда Уругвайга қарши майдонга чиқади. Уругвай - Италия учрашуви 30 июнь куни Фонте Нова шаҳрида Тошкент вақти билан 21:00да бошланади. Бразилия - Испания учрашуви эса Тошкент вақти билан 1 июльга ўтар кечаси 03:00да «Маракана» стадионида бўлиб ўтади.

Конфедерациялар Кубоги.
1/2 финал
ИСПАНИЯ – ИТАЛИЯ 0:0, пенальтилар бўйича - 7:6
Испания: Икер Касильяс, Альваро Арбелоа, Херард Пике, Серхио Рамос, Хорди Алба, Серхио Бускетс, Хави Эрнандес, Андрес Иньеста, Давид Сильва (Сезар Навас, 53), Педро Родригес (Хуан Мата, 79), Фернандо Торрес (Хави Мартинес, 94).
Италия: Жанлуджи Буффон, Андреа Бардзальи (Рикардо Монтоливо, 46), Леонардо Бонуччи, Жоржио Кьеллини, Кристиан Маджо, Андреа Пирло, Даниэле Де Росси, Эммануэле Жаккерини, Антонио Кандрева, Клаудио Маркизио (Алберто Аквилани, 80), Алберто Жилардино (Себастьян Жовинко, 91).
Огоҳлантиришлар: Де Росси (65), Пике (105).