Нидерландия терма жамоаси ва "Манчестер Юнайтед"нинг собиқ устози Луи ван Гал ўз ҳолати ҳақида гапирди. Уч йил олдин у простата саратонига чалинганини эълон қилганди.

"Саратон энди мени безовта қилмайди. Икки йил олдин бир неча марта операция бўлганман. Ўшанда ҳаммаси ёмон эди. Аммо охир-оқибат ҳаммаси яхши бўлди. Ҳар бир неча ойда кўрикдан ўтаман ва ҳаммаси яхши кетяпти. Мен тобора яхшиланиб бормоқдаман," - дея Ван Галнинг сўзларини келтиради VI.

Шунингдек, 73 ёшли мутахассис мураббийлик ишига қайтишни истамаслигини, аммо топ-терма жамоанинг таклифи уни ўйлантириб қўйиши мумкинлигини таъкидлади.

Ван Гал 2014 йилдан 2016 йилгача "Манчестер Юнайтед"ни бошқарган. 2015/16 йилги мавсумда клуб Англия кубогини қўлга киритди.