"Челси" бош мураббийи Энцо Мареска жамоага янги келган Жоао Педронинг ўйини ҳақида гапирди.
23 ёшли футболчи билан ой бошида шартнома имзоланган, аммо у аллақачон "кўклар" сафида иккита ўйин ўтказиб, иккита гол уришга муваффақ бўлган. Клублар ўртасидаги жаҳон чемпионати ярим финалида "Флуминенсе"га қарши ўйинда "Челси" сафида илк бор майдонга тушган бразилиялик футболчи дубль қайд этди.
"Жоао жуда яхши. Биз уни сотиб олдик, чунки у фойдали бўлишига ишонамиз. У ажойиб фазилатларга эга. Кўрамиз, у финалда ўйнайдими, қарор қабул қилиш учун ҳали етарлича вақтимиз бор. Омадимиз бор экан, бизда турли хил вариантлар бор," - деди Мареска матбуот анжуманида.
