Лондоннинг "Челси" клуби бош мураббийи Энцо Мареска "Пари Сен-Жермен" билан бўлиб ўтадиган клублар ўртасидаги жаҳон чемпионати финали ҳақида ўз фикрларини билдириб ўтди.
Соврин учун ҳал қилувчи ўйин якшанба куни бўлиб ўтади.
"Албатта, Луис Энрике бутун "ПСЖ" каби нафақат мен учун, балки кўплаб футбол мухлислари учун ўрнакдир. Лекин бизнинг ўз услубимиз бор. Биз аллақачон қандай ҳаракат қилишни хоҳлаётганимизни кўрсатиб қўйдик," - дея "кўклар"нинг италиялик бош мураббийи сўзларини келтиради Absolute Chelsea.
Финал учрашуви якшанба куни, Тошкент вақти билан 00:00 да бошланиши режалаштирилган.
