"Челси" бош мураббийи Энцо Мареска тез орада вингер Нони Мадуэканинг жамоадан кетишини тасдиқлади.
Яқинда "кўклар" "Арсенал" билан инглизнинг трансфери бўйича келишувга эришгани маълум бўлди. "Челси" бош мураббийи 23 ёшли футболчи кетиш арафасида эканини яширмади.
"Агар футболчи кетишни истаса, бу клуб учун ҳам, мураббий учун ҳам осон вазият эмас. Ҳа, Нони кетишга қарор қилди. Ҳеч ким унга клубни тарк этиш кераклигини айтмаган. Унинг ўзи шундай қарорга келди. Агар бу унга маъқул бўлса, биз ҳам розимиз," - дея Маресканинг сўзларини келтиради журналист Фабрицио Романо.
Маълумотларга қараганда, "Арсенал" Мадуэканинг трансфери учун 52 млн фунт (60 млн евро) тўлайди.













