"Chelsi" bosh murabbiyi Enso Mareska tez orada vinger Noni Maduekaning jamoadan ketishini tasdiqladi.
Yaqinda "ko‘klar" "Arsenal" bilan inglizning transferi bo‘yicha kelishuvga erishgani ma’lum bo‘ldi. "Chelsi" bosh murabbiyi 23 yoshli futbolchi ketish arafasida ekanini yashirmadi.
"Agar futbolchi ketishni istasa, bu klub uchun ham, murabbiy uchun ham oson vaziyat emas. Ha, Noni ketishga qaror qildi. Hech kim unga klubni tark etish kerakligini aytmagan. Uning o‘zi shunday qarorga keldi. Agar bu unga ma’qul bo‘lsa, biz ham rozimiz," - deya Mareskaning so‘zlarini keltiradi jurnalist Fabrisio Romano.
Ma’lumotlarga qaraganda, "Arsenal" Maduekaning transferi uchun 52 mln funt (60 mln yevro) to‘laydi.
