Якшанба оқшомида клублар ўртасидаги жаҳон чемпионати финалида "Челси" ва "ПСЖ" ўзаро баҳс олиб боради. Лондон жамоаси етакчиси - ҳужумкор ярим ҳимоячи Коул Палмер бўлажак учрашув ҳақидаги фикрлари билан ўртоқлашди.
"Албатта, биз ўзимизга ишонамиз. Қийин ўйин бўлишини биламиз, аммо бу финал. Биз ҳаяжондамиз. Ҳамма тайёр. Биласизми, энг яхшиларга қарши ўйнашни хоҳлайсиз, "ПСЖ" эса дунёдаги энг яхши жамоа бўлса керак. Лекин биз бунга тайёрмиз. "ПСЖ" ўйинларини томоша қилдик, улар барчасини жуда яхши бажаришади. Лекин режамиз бор. Уни амалга оширишга ҳаракат қиламиз," - деди Палмер.
"Челси" - "ПСЖ" учрашуви 13 июль куни Тошкент вақти билан соат 23:59'да бошланади.
