Мадриднинг “Реал” клуби ҳужумчи Винисиус Жуниор билан янги шартнома бўйича музокараларни вақтинча тўхтатди. Бу ҳақда Испаниянинг El Chiringuito нашри хабар берди.

Манбага кўра, томонлар бир неча ой аввал янги шартнома борасида бир қарорга келган ва уни 2025/26 йилги мавсум бошланишидан олдин расман эълон қилишни режалаштиришган эди. Бироқ ҳозирда “қироллик клуби” музокараларни давом эттиришга унчалик шошилмаётгани айтилмоқда. Аммо бунинг асосий сабаби маълум эмас.

Шу орада Саудия Арабистонининг бир нечта клублари бразилиялик футболчига жиддий қизиқиш билдираётгани ҳақида миш-мишлар тарқалди. Хабарларга кўра, Винисиусга Осиё қитъаси клубидан “ёғли” таклиф олган ва агар у бу трансферга рози бўлса, 5 йил ичида 830 миллион фунт стерлинг миқдорида даромад қилиш имкониятига эга бўлади.

Эслатиб ўтамиз, Винисиус Жуниор 2018 йилда “Реал Мадрид” сафига қўшилган. Шу вақт мобайнида у жамоа билан бир нечта йирик совринларни қўлга киритди ва айни дамда клубнинг энг муҳим футболчиларидан бири ҳисобланади.

Аммо у Клублар ўртасида яхши ўйин кўрсата олмади. Шу боис у “Реал” раҳбарияти томонидан “алмаштириб бўлмас футболчи” сифатида кўрилмаяпти. Ушбу ҳолат футболчининг келажагини мавҳумлигича қолдирмоқда.