Madridning “Real” klubi hujumchi Vinisius Junior bilan yangi shartnoma bo‘yicha muzokaralarni vaqtincha to‘xtatdi. Bu haqda Ispaniyaning El Chiringuito nashri xabar berdi.

Manbaga ko‘ra, tomonlar bir necha oy avval yangi shartnoma borasida bir qarorga kelgan va uni 2025/26 yilgi mavsum boshlanishidan oldin rasman e’lon qilishni rejalashtirishgan edi. Biroq hozirda “qirollik klubi” muzokaralarni davom ettirishga unchalik shoshilmayotgani aytilmoqda. Ammo buning asosiy sababi ma’lum emas.

Shu orada Saudiya Arabistonining bir nechta klublari braziliyalik futbolchiga jiddiy qiziqish bildirayotgani haqida mish-mishlar tarqaldi. Xabarlarga ko‘ra, Vinisiusga Osiyo qit’asi klubidan “yog‘li” taklif olgan va agar u bu transferga rozi bo‘lsa, 5 yil ichida 830 million funt sterling miqdorida daromad qilish imkoniyatiga ega bo‘ladi.

Eslatib o‘tamiz, Vinisius Junior 2018 yilda “Real Madrid” safiga qo‘shilgan. Shu vaqt mobaynida u jamoa bilan bir nechta yirik sovrinlarni qo‘lga kiritdi va ayni damda klubning eng muhim futbolchilaridan biri hisoblanadi.

Ammo u Klublar o‘rtasida yaxshi o‘yin ko‘rsata olmadi. Shu bois u “Real” rahbariyati tomonidan “almashtirib bo‘lmas futbolchi” sifatida ko‘rilmayapti. Ushbu holat futbolchining kelajagini mavhumligicha qoldirmoqda.