Лионель Месси MLS'да кетма-кет 5 та ўйинда дубль қайд этиб, лига рекордини янгилади.

Бугун "Интер Майами" форварди "Нэшвилл"га қарши ўйинда (2:1) иккита гол урди.

Аввалроқ, 38 ёшли Аргентина терма жамоаси футболчиси "Нью-Ингленд Рэволюшн" (2:1), "Монреаль Импэкт" (4:1, 4:2) ва "Колумбус Крю" (5:1) билан ўйинларда дубль қайд этганди. Умуман олганда, Мессининг MLS'даги голли серияси 6 ўйинга етди.

У мавсумда лигада 16 та ўйинда майдонга тушиб, 16 та гол ва 6 та голли узатмани амалга оширган.

"Интер Майами" сафида мавсумнинг барча мусобақаларида жами 27 та ўйинда ҳужумчи 22 та гол урди ва 7 та голли узатмани амалга оширди.