Лондоннинг "Челси" клуби ҳимоячиси Мало Гюсто фаолиятини Европанинг бошқа чемпионатида давом эттириш вариантига эга, деб хабар бермоқда iMiaSanMia ижтимоий тармоғидаги саҳифаси.
Манбага кўра, 22 ёшли франциялик футболчининг трансферига Мюнхеннинг "Бавария" клуби қизиқиш билдирмоқда. Футболчининг бозор нархи 35 миллион еврога баҳоланмоқда. Гюсто 2030 йил июнь ойи охиригача "аристократлар" билан меҳнат мажбуриятлари билан боғланган.
АПЛ-2024/2025 йилги мавсумида франциялик ҳимоячи лондонликлар сафида 32 та ўйин ўтказди. Мало битта самарали узатма амалга оширди ва тўртта сариқ карточка олди.













