13 июль куни "Барселона" вингери Ламин Ямал 18 ёшни қарши олди. Шу муносабат билан ўйинчи шов-шувли зиёфат ўтказди, унга кўплаб меҳмонлар, жумладан, турли машҳурлар таклиф қилинди. Журналист Виктор Наварронинг ёзишича, "кўк-анорранглилар" бош мураббийи Ханс-Дитер Флик ёш юлдузга бундай тадбирни ўтказишга рухсат берган, бироқ битта шарт қўйган: Ламин душанба куниёқ тўлақонли клуб базасига керак.

18 ёшга тўлган Ямал "Барселона" асосий жамоаси сафида барча мусобақаларда 106 та ўйинда майдонга тушиб, 25 та гол ва 34 та голли узатмани амалга оширишга муваффақ бўлди. Шунингдек, вундеркинд Испания терма жамоаси сафида 21 та ўйинда 6 та гол ва 9 та голли узатмани амалга оширган.