«Нефтчи» бугун ёш ва истеъдодли ҳужумчи, Ўзбекистон U-17 терма жамоаси аъзоси Нурбек Сарсенбаев билан шартномани расмийлаштирди.
Маълумот учун, Нурбек Сарсенбаев 2008 йилнинг 27 сентябрь куни Қорақалпоғистоннинг Нукус шаҳрида таваллуд топган. Футболчилик фаолиятини 2023 йилда «Арал» жамоасида бошлаган.
2025 йилдан Нукуснинг Про лигадаги яна бир вакили «Жайхун» клуби аъзоси сифатида фаолият юритиб келди. Жорий йилда 17 ёшлилар ўртасида Саудия Арабистонида ўтказилган Осиё кубоги мусобақасида Ўзбекистон (U-17) терма жамоаси шарафани ҳимоя қилган Нурбек Сарсенбаев олтин медални қўлга киритиб, Осиё чемпиони унвонига сазовор бўлди.













