"Манчестер Юнайтед" Корентон Толиссога қизиқиш билдирмоқда.
L’Equipe нашри хабарига кўра, "манкунианликлар" "Лион" ярим ҳимоячисининг атрофидагилар билан алоқа ўрнатган. Ёз бошида француз Туркиядан келган иккита таклифни рад этганди.
Қайд этилишича, "Лион" кейинги мавсумда унинг атрофида жамоа қуришга умид қилиб, Толиссони олиб қолмоқчи, бироқ унинг кетиши клубга маош ҳисобини тушириш имконини беради, чунки ярим ҳимоячи жамоада энг юқори маошга эга.
Шунингдек, Саудия Арабистонининг юқори дивизионига кўтарилган "Неом" ва "Атлетико" Толиссонинг ҳолатини кузатиб бораётгани маълум бўлди. 30 ёшли ярим ҳимоячи тахминан 10 миллион еврога баҳоланмоқда.
