"Ан-Наср" бош мураббий лавозимига Жорже Жезуш тайинланганини эълон қилди.
70 ёшли португалиялик бу лавозимда 2024 йил сентябридан 2025 йил июнигача Саудия Арабистони жамоасини бошқарган Стефано Пиоли ўрнини эгаллади.
Аввалроқ ОАВда Жезуш номзодини шахсан унинг ватандоши ва "Ан-Наср" ҳужумчиси Криштиану Роналду талаб қилгани ҳақида хабарлар тарқалган эди.
Жезушнинг сўнгги иш жойи "Ал-Ҳилол" бўлиб, унинг қўл остида клуб Саудия Арабистони чемпионатининг 2024/25 йилги мавсумида иккинчи ўринни эгаллаган. "Ан-Наср" турнир жадвалида учинчи бўлди.













