Мадриднинг "Реал" клубига янги келган Франко Мастантуоно Испанияга кўчиб ўтганидан кейин дуч келиши мумкин бўлган қийинчиликлардан қўрқмаслигини тан олди.
Айни пайтда аргентиналик футболчи ўз ватанида "Ривер Плейт" шарафини ҳимоя қилмоқда. У август ойида, 18 ёшга тўлганида клубини ўзгартиради. Трансфер "Реал"га 45 млн еврога тушади.
"Йўқ, мен "Реал"даги мослашув муаммоларидан умуман қўрқмайман. Мен учун бу чақириқ. Мен келиб, тезроқ ўзимни кўрсатмоқчиман," - деди ҳужумкор ярим ҳимоячи ОАВ вакиллари билан суҳбатда.
