"Милан" матбуот хизмати жамоанинг янги юлдузи - 39 ёшли хорватиялик ярим ҳимоячи Лука Модричнинг тақдимотини ўтказди. Томонлар 14 июль, душанба куни бир йил муддатга меҳнат шартномасини имзолади.
"Афсона," - дейилади Италия клуби ижтимоий тармоқларида.
Эслатиб ўтамиз, Модрич 2012 йилдан буён Испания чемпионатида Мадриднинг "Реал" клуби шарафини ҳимоя қилиб келаётган эди. "Қироллик клуби" сафида ярим ҳимоячи 597 та ўйин ўтказиб, 49 та гол урган ва 95 та голли узатмани амалга оширган. Хорватиялик "қаймоқранглилар" билан биргаликда 27 та унвонга, шу жумладан олтита Европа Чемпионлар Лигаси кубогига эга чиқди.
