"Аталанта" ва "Милан" клубларининг собиқ ярим ҳимоячиси, ҳозирда "Ал-Аҳли"да ўйнаётган Франк Кессьенинг янги клуби "Ювентус" бўлиши мумкин, чунки у А Серияга қайтишни мақсад қилган.
Кессье 2023 йилнинг августида 12,5 миллион евро эвазига "Барселона"дан "Ал-Аҳли"га ўтганди. Унинг шартномаси 2026 йилнинг июнигача амал қилади, бу эса Кессьени бошқа клублар учун ҳамёнбоп вариантга айлантиради. CalcioMercato хабарига кўра, "Ювентус" вазиятни диққат билан кузатиб бормоқда ва шу ёздаёқ таклиф билан чиқиши мумкин.
Эслатиб ўтамиз, Франк Кессье 2024/25 йилги мавсумда "Ал-Аҳли" сафида барча мусобақаларда 44 та ўйинда майдонга тушиб, 4 та гол урган ва 5 та голли узатмани амалга оширган.
