Англия терма жамоаси ва "Челси" ярим ҳимоячиси Коул Палмер Сент-Китс ва Невис оролларида қаҳрамонларча кутиб олинди.
Клублар ўртасидаги жаҳон чемпионатида "ПСЖ" клуби устидан қозонилган ғалабадан сўнг Палмер оиласи билан бобосининг ватанига ташриф буюришга қарор қилди. Англияда туғилган футболчи ўзининг Кариб денгизидаги қариндошлари билан фахрланади ва бутсаларида Англия байроғи билан бирга Сент-Китс байроғини тақиб юради.
"Ороллар гўзал ва чиндан ҳам дам олувчи. Мен тоғлар, тропик ўрмонлар ва денгизни ўрганиб, таомларни татиб кўришни сабрсизлик билан кутмоқдаман", - деди Палмер The Standard билан суҳбатда.
Палмер ўтган мавсумда барча клуб мусобақаларида 58 та ўйинда майдонга тушиб, 18 та гол урди ва 14 та голли узатмани амалга оширди.
