"Манчестер Юнайтед"нинг собиқ футболчиси Тэдди Шерингем ҳужумчи Маркус Рэшфорд ҳақида ўз фикрини билдирди.
"Кимнингдир кетишни хоҳлаётганини эшитиш... Обамеянг "Арсенал"да шундай қилганида менга ёқмаган эди. Буни юракни эзадиган ҳолат деб биламан ва умид қиламанки, у орзу қилган трансфер амалга ошмайди. Менинг нуқтаи назаримдан, "Манчестер Юнайтед"дан "Барселона"га ўтиш - бу у ҳали лойиқ бўлмаган юқори поғонадир," - дея таъкидлади Шерингем.
Нуфузли Transfermarkt портали 27 ёшли Маркус Рэшфорднинг қийматини 50 миллион евро деб баҳоламоқда. Рэшфорднинг "Манчестер Юнайтед" билан шартномаси яна уч мавсумга мўлжалланган.













