Яна бир неча дақиқалардан сўнг (Тошкент вақти билан соат 12:00) Малайзиянинг Куала Лумпур шаҳридаги ОФК биносида Жаҳон чемпионати-2026 4-босқичи учун қуръа ташлаш маросими бўлиб ўтади.
Осиёга ажратилган 8 та тўғридан-тўғри йўлланманинг 6 таси аллақачон ўз эгаларини топган. Учинчи саралаш босқичида ўз гуруҳларида учинчи ва тўртинчи ўринни эгаллаган жамоалар — Индонезия, Ироқ, Уммон, Қатар, Саудия Арабистони ва BАА плей-офф орқали яна бир имкониятга эга бўлишади. Бу ўйинлар 8 октабрдан 14 октабрга қадар бўлиб ўтади.
Жамоалар учтадан икки гуруҳга бўлинади. Фақатгина гуруҳ ғолиблари 2026-йилги ЖЧга йўл олади. Ҳар бир гуруҳ марказлаштирилган майдонда (Қатар ва Саудия Арабистони мезбонлик қилади) ягона давра тизимида ўйналади.
Қура ташлаш учун саватчалар (ФИФА рейтингига кўра):
1-сават: Қатар (ФИФА рейтинги: 53), Саудия Арабистони (58)
2-сават: Ироқ (59), Бирлашган Араб Амирликлари (66)
3-сават: Ўмон (79), Индонезия (118)
Эслатма: Мезбон давлатлар бўлган Қатар ва Саудия Арабистони қуръа натижасида турли гуруҳларга жойлаштирилади.
Плей-офф гуруҳ босқичи якунлангач, ҳар бир гуруҳда иккинчи ўринни эгаллаган жамоалар 13 ва 18 ноябрь кунлари икки ўйинли плей-оффда тўқнаш келишади. Бу нокаут босқичи қитъанинг FIFА қитъалараро плей-офф турниридаги вакилини аниқлаб беради.
