Лондоннинг "Брентфорд" клуби тўпурари учун АПЛнинг топ-клубидан яхшиланган таклиф олди.
The Athletic нашрининг нуфузли журналисти Девид Орнштейннинг маълум қилишича, "Манчестер Юнайтед" раҳбарияти "асаларилар"га 70 миллион фунт эвазига Брайан Мбемо билан шартнома имзолаш бўйича расмий таклиф юборган.
Қайд этилишича, "қизил иблислар" 65 миллион фунт миқдорида қатъий белгиланган нарх ва яна 5 миллион фунт миқдорида бонус кўринишидаги қўшимча тўловни тўлашга тайёр. Энди улар ёзда асосий мақсад бўлган 25 ёшли камерунлик футболчини сотиб олиш бўйича келишувни якунлаш учун "Брентфорд"дан жавоб кутишмоқда.













