Мюнхеннинг "Бавария" клуби яримҳимоячиси Франк Рибери клуб билан янги шартномага имзо чекди. Бу ҳақда Германия клуби расмий сайти маълумот берди.
Шундай қилиб, Рибери эндиликда 2017 йилгача Мюнхенда тўп суради.
"Жуда бахтиёрман. Бу ерда ўзимни уйдагидек ҳис қилишимни аввал ҳам кўп таъкидлаганман. Оила аъзоларимда ҳам худду шундай фикр. Умид қиламанки, келгуси мавсумларда ҳам ўтган сафаргидек муваффақиятли қатнашишда давом этамиз", деди Рибери.
Қайд этиш жоиз, Франк Бундеслиганинг сўнгги мавсумида 27 ўйин ўтказиб 10та гол муаллифига айланди.













