Испания Ла Лигасига "Реал"нинг чемпионат биринчи туридаги ўйинини бошқа санага кўчириш талаби билан боғлиқ босим ўтказилмоқда. Мадрид клуби ва Испания футболчилар уюшмаси расмий шикоят берди. Уларнинг таъкидлашича, "Реал" ўйинчилари клублараро жаҳон чемпионатидаги иштироки туфайли етарли даражада дам ололмайди. AS нашрининг хабар беришича, якуний қарорни суд қабул қилади.
Илгари Ла Лига "Реал" - "Осасуна" ўйинини кўчиришни рад этган ва бунга таътилларга оид барча қонуний талабларга риоя қилингани сабаб қилиб кўрсатилганди.
"Реал" ва "Осасуна" 19 август куни майдонга тушиши керак. "Қаймоқранглилар" клублараро жаҳон чемпионатидаги сўнгги ўйинини 9 июль куни ўтказган эди. Аввалроқ "Реал" ва Испания футболчилар уюшмаси жамоага олти ҳафта - уч ҳафта таътил ва уч ҳафта мавсумолди тайёргарлик вақти берилиши кераклигини таъкидлаган эди.
