2019 йил қишида жамоани қабул қилиб олган бош мураббий Микель Артета қўл остидаги "Арсенал" "Челси"дан футболчилар сотиб олиш учун 134 млн фунт стерлинг (154 млн евро) сарфлади. Бу ҳақда ESPN хабар бермоқда.
18 июль, жума куни "канонирлар" ҳужумчи Нони Мадуэкени "Челси"дан трансфер қилганини эълон қилди. Аввалроқ Кепа Аррисабалага сотиб олинганди.
2023/2024 йилги мавсумда "Арсенал" "кўклар"дан ҳужумкор ярим ҳимоячи Кай Хаверцни харид қилди. 2022/2023 йилги мавсумда "канонирлар" ярим ҳимоячи Жоржиньони сотиб олди. 2019 йилда ҳимоячи Давид Луис Лондоннинг бир клубидан бошқасига ўтди.
Бундан ташқари, Артета жамоаси ўтган мавсумда "кўклар"дан қанот ҳужумчиси Раҳим Стерлингни ижарага олган эди.
