"Астон Вилла" ярим ҳимоячиси Юри Тилеманс "Ал-Иттиҳод"га ўтиши мумкин, дея хабар берди инсайдер Саша Тавольери ижтимоий тармоқдаги саҳифасида.
Саудияликлар 28 ёшли бельгиялик футболчига қизиқиш билдирмоқда ва уни ёзда амалга оширадиган устувор трансфери деб ҳисобламоқда. "Астон Вилла" ўйинчига мос таклиф тушса, уни сотиш имкониятини кўриб чиқишга тайёр.
Тилеманснинг амалдаги шартномаси 2027 йилга қадар имзоланган. Transfermarkt портали футболчининг нархини 38 миллион еврога баҳоламоқда.
2024/25 йилги мавсумда Тилеманс барча мусобақаларда 53 та ўйинда майдонга тушиб, 5 та гол урди ва 10 та голли узатмани амалга оширди.
