Ҳужумчи Луис Диас "Ливерпуль"га жамоани тарк этиб, фаолиятини айнан "Бавария"да давом эттирмоқчи эканлигини маълум қилди, дея хабар бермоқда журналист Флориан Плеттенберг.

Bild хабарига кўра, мюнхенликлар 28 ёшли футболчи билан йилига 14 миллион евро маош билан 4 йиллик шартнома тузишга келишиб олган.

Манбанинг таъкидлашича, "Бавария" "Ливерпуль" билан футболчининг трансфери бўйича келишувга эришиши керак. Охирги 67,5 миллион евролик таклифни "қизиллар" рад этган. Музокаралар муваффақиятсиз якунланган тақдирда, Диас бошқа жамоага ўтиши мумкин. Унга ҳамон "Барселона" қизиқиш билдирмоқда.

Диас 2022 йилдан бери "Ливерпуль" шарафини ҳимоя қилмоқда. Умуман олганда, форвард жамоа сафида 148 та ўйинда майдонга тушиб, 41 та гол урган ва 23 та голли узатмани амалга оширган. Колумбиялик футболчининг инглиз клуби билан шартномаси 2027 йилнинг ёзигача мўлжалланган.