"Ювентус" вингери Николас Гонсалес Миланнинг "Интер" клубига ўтиши мумкин. 27 ёшли футболчи "бьянконерилар" раҳбариятининг режаларига тўғри келмайди, шунинг учун туринликлар таклифларни кўриб чиқишга тайёр. Журналист Жанлука ди Марционинг маълум қилишича, "Интер" аргентиналикни шорт-листга киритган ва аллақачон унинг атрофидагилар билан алоқага чиққан. "Нерадзуррилар" "Фиорентина"нинг собиқ юлдузини "Аталанта" вакили Адемоле Лукманга муқобил сифатида кўрмоқда.
Николас Гонсалеснинг трансфери харидорларга 20 млн евро ва бонусларга тушиши кутилмоқда. Transfermarkt портали футболчининг нархини 24 млн еврога баҳоламоқда, унинг "Ювентус" билан шартномаси 2029 йилгача мўлжалланган.
