1979 йилнинг 11 августи... биласиз бу муддатни. Қалбларимизни ўйиб ташлаган кун... Шу куни Украинанинг Днепродзержинск осмонида рўй берган авиаҳалокатда 17 нафар пахтакорчи ҳаётдан кўз юмган эди... “Пахтакор”нинг ўша йилги авлоди самога сочилиб кетганидан кейин кўпгина ўзбек футбол ишқибозларнинг футболга бўлган қизиқиши сўнган... Хуллас, ўшанда ўзбек футболига қаттиқ зарба берилган эди... «Пахтакор-79» фожиаси ҳеч қачон қалбимизни тарк этмайди. 2014 йили марҳум Пахтакорчиларнинг ҳалокатга учраганига 35 йил тўлади...
Тошкентдаги Боткина қабристонида жойлашган “Пахтакор-79″ мемориал комплексини бугунги кўриниши.
“Пахтакор” футбол клуби раҳбарларининг ташаббуси билан Тошкентдаги Боткина қабристонида жойлашган “Пахтакор-79” мемориал-хотира комплекси бутунлай қайта таъмирланмоқда. Мазкур лойиҳага кўра, хотира мажмуаси бу йил 11 август куни очилиши режалаштирилган. Шу кунларда таъмирлаш ишлари жадал суратлар билан олиб бориляпти. “Пахтакор” футбол клуби раҳбарияти мазкур лойиҳага бир оз ўзгартириш киритилиши мумкинлигини инкор қилишмаяпти... Таъмирлаш ишларига ўзбекистонлик бир қатор қўли гул усталар ва қурувчилар жалб қилинган.
«Пахтакор-79» футбол жамоаси ҳеч қачон қалбимизни тарк этмайди.
«Пахтакор-79″ футбол жамоаси...
“Пахтакор-79” футбол жамоаси: Владимир Фёдоров. Владимир Чумаков, врач. Олимжон Аширов. Николай Куликов. Шуҳрат Ишбутаев. Мансур Толибжонов, бошқарувчи. Михаил Ан. Юрий Загуменних. Владимир Макаров. Константин Баканов. Сергей Покатилов. Александр Корченов. Идгай Тазетдинов, мураббий. Виктор Чуркин. Равил Агишев. Владимир Собиров. Сирожиддин Бозоров.
Мавлон Шукурзода
