Англиялик ҳужумчи Нони Мадуэканинг трансфери "Арсенал" тарихидаги энг қиммат харидлар ва "Челси"нинг энг қиммат сотувлари топ-10 талигига кирди, деб хабар беради Transfermarkt портали.

Аввалроқ, нуфузли журналист Фабрицио Романо "канонирлар" 23 ёшли футболчи учун барча бонусларни ҳисобга олган ҳолда 55,4 млн евро тўлаганини маълум қилганди. Таъкидланишича, Мадуэке "Арсенал" билан 5 йиллик шартнома имзолаган. Клуб аллақачон трансферни расман эълон қилган.

Мадуэке трансфер нархи бўйича Деклан Райс (116,6 млн евро), Николя Пепе (80 млн евро), Кай Хаверц (75 млн евро), Мартин Субименди (70 млн евро), Пьер-Эмерик Обамеянг (63,8 млн евро) ва Бен Уайтдан (58,5 млн евро) ортда қолиб, "канонирлар" тарихидаги еттинчи энг қиммат харид бўлди.

"Челси"нинг энг қиммат сотувлари орасида Мадуэке олтинчи бўлди, ундан юқорида Эден Азар (120,8 млн евро), Кай Ҳаверц (75 млн евро), Мэйсон Маунт (67,7 млн евро), Оскар (60 млн евро) ва Диего Коста (60 млн евро) жойлашди.