"Ливерпуль" Уго Экитике бўйича таклиф тайёрламоқда. Инглиз клуби 23 ёшли ҳужумчи учун "Айнтрахт"га 100 миллион евро таклиф қилмоқчи, дея хабар бермоқда Bild журналисти Кристиан Фальк.
Қайд этилишича, тез орада "Бавария" ва "Ливерпуль" ўртасида Луис Диас трансфери бўйича музокаралар бўлиб ўтади. Колумбиялик футболчи сотилган тақдирда "қизиллар" тушган маблағни Экитике битимига йўналтириши мумкин.
Бундеслиганинг ўтган мавсумида франциялик футболчи 33 та ўйинда майдонга тушиб, 15 та гол урди ва 8 та голли узатмани амалга оширди.













