Шотландиянинг "Селтик" ҳамда Англиянинг "Ньюкасл" клублари ўртасидаги ўртоқлик учрашуви якунига етди. Учрашув 4:0 ҳисобида глазголиклар фойдасига ҳал бўлди. Ўйин "Селтик Парк" стадионида бўлиб ўтди.
28-дақиқада Арне Энгелс пенальтини аниқ амалга ошириб, "Селтик"ни ҳисобда олдинга олиб чиқди, 45-дақиқада Жонни Кенни ҳисобни 2:0 кўринишига келтирди, 53-дақиқада Хюн-Чун Янг жамоасининг учинчи голини урди, 75-дақиқада Лиам Скэйлз жамоасининг тўртинчи голини урди.
Навбатдаги ўртоқлик ўйинларида "Селтик" 24 июль куни "Аякс" билан, 27 июль куни "Ньюкасл" Лондоннинг “Арсенал” клуби билан ўйнайди.
Ўтган мавсум якунида "Ньюкасл" Премьер-лигада бешинчи ўринни эгаллади, "Селтик" эса Шотландия чемпионига айланди.
