Марказий ҳимоячи Эрик Байи фаолиятини Саудия Арабистонида давом эттиришга қарор қилди. 31 ёшли ивуарлик футболчи Саудия Премьер-лигасининг янги иштирокчиси "Ал-Нажма" таклифини қабул қилди. Бу ҳақда журналистлар Бен Жейкобс ва Фабрицио Романо хабар беришди.
Томонлар ҳамкорлик шартлари бўйича тўлиқ келишиб олди – футболчи фақат тиббий кўрикдан ўтиши ва шартнома имзолаши керак. Охирги бир ярим йил давомида Эрик Байи июль ойи бошида эркин агент сифатида тарк этган Испаниянинг “Вильярреал” клубида ўйнади. Илгари марказий ҳимоячи Туркиянинг “Бешиктош” ва Англиянинг “Манчестер Юнайтед” клубларининг шарафларини ҳимоя қилган.
"Ал-Нажма" 2024/25 йилги мавсум якунида Саудия Арабистони Про-лигасига тўғридан-тўғри йўлланмани қўлга киритиб, иккинчи кучли дивизионда иккинчи ўринни эгаллади.
